Dy femra janë shpëtuar në dy ditët e fundit në Kosovë falë reagimit të shpejtë të policëve. Njëri rast ka ndodhur në Ferizaj, ndërkaq tjetri tek liqeni i Badovcit në Prishtinë.
Femra nga Ferizaj të dielën tentoi të hidhej nga kati i nëntë i një objekti, por sipas policisë, ajo është shpëtuar nga dritarja e korridorit.
“Viktima femër K/Shqiptare ka tentuar të hidhet nga kati i nëntë i një objekti, me qëllim që të vetëvritet. Patrulla policore i është përgjigjur rastit dhe përmes dritares së korridorit kanë arritur ta tërheqin dhe shpëtojnë viktimën”, njofton policia.
Ndërkaq, një ditë më pas një femër tjetër kishte tentoi të kryejë vetëvrasje në liqenin e Badovcit, por policia sërish reagoi shpejt dhe e shpëtoi atë.
“Viktima femër K/Shqiptare ka tentuar të bëjë vetëvrasje në ujë. Njësitet policore me kohë e kanë nxjerrë dhe shpëtuar viktimën nga uji”, thuhet në njoftim.
Ndërkohë, policia tregon se të dyja femrat janë dërguar për tretman mjekësor dhe hetimet për rastet po vazhdojnë. /tesheshi.com/
