Presidenti amerikan Joseph Biden bëri gafa të reja në fjalimin më të fundit public, ku prezantoi presidentin ukrainas Volodymyr Zelensky si “Presidentin Putin”, ndërsa quajt “Trump” Zv/Presidenten e tij Kamala Harris
Biden i bëri këto gafa ë ditën e fundit të samitit të NATO-s në Uashington, vetëm një orë përpara një konference për shtyp të quajtur “të jesh apo të mos jesh” për fushatën e tij, ndërsa një numër në rritje i aleatëve politikë dhe donatorëve i bëjnë thirrje atij të tërhiqet nga mandatin e ri të kreut të shtetit.
Në përfundim të deklaratës së tij hyrëse, Biden ia dha fjalën Zelensky-t, duke thënë: “Tani dua t’i jap fjalën presidentit të Ukrainës, i cili ka aq guxim sa ka vendosmëri”, dhe më pas shtoi: “Zonja dhe zotërinj, President Putin .”
Sipas mediave perëndimore, Zelensky ka mbetur në habi të plotë pasi Biden e quajti atë me emrin e presidentit rus kundër të cilit ai është në luftë.
Ndërsa pati një reagim nga audienca, Biden e kuptoi gabimin dhe korrigjoi veten duke thënë: “Ne do të mundim Presidentin Putin, Presidentin Zelensky” dhe “Unë jam shumë i fokusuar të mund Putinin”.
Shqetësimet e demokratëve
Pas kësaj, në konferencën për shtyp të mbajtur pas samitit të NATO-s në Uashington, Biden bëri një tjetër lapsus: “Dëgjo, unë nuk do të kisha zgjedhur Zv/Presidentin Trump për të qenë Zv/President nëse ajo nuk do të ishte e kualifikuar për të qenë, kështu që le të fillojmë me atë.”
Biden e tha këtë në përgjigje të pyetjes së një gazetari të Reuters nëse ai ka besim te Kamala Harris, Zv/Presidentja aktuale e SHBA.
Sipas Reuters, gafat e reja të presidentit 81-vjeçar të SHBA-së do të nxisin më tej shqetësimet për kapacitetin e tij mendor dhe do të rrezikojnë më tej fushatën e tij presidenciale.
Agjencia shton se çdo deklaratë e presidentit amerikan, i cili belbëzon si fëmijë, monitorohet nga afër pas performancës së tij të dobët në debatin me kundërshtarin republikan Donald Trump, 78 vjeç,
Disa senatorë demokratë dhe përfaqësues të Dhomës së Përfaqësuesve i kërkuan Bidenit të tërhiqej nga gara zgjedhore pas debatit. /tesheshi.com/
