Nga Auron Tare
Gjenerali amerikan, George Scriven udhëton në Jugun shqiptar me mision inspektimin e frontit italian gjatë periudhës së fundit të Luftës së Parë Botërore. Në këtë mision ai ka shkrepur edhe disa foto të rralla.
Dy foto që po publikojmë janë nga zona e Tepelenës, zonë të cilën gjenerali e përshkoi gjatë udhëtimit të tij.
Në foton e parë jane varret bektashiane të cilat nuk eklzistojnë, pasi pothuasje janë zhdukur fare.
Dhe foto e dytë është një foto e rrallë e fshatit të Nivicës të cilin gjenerali amerikan e vizitoi duke e përshkruar edhe në raportin e tij për autoritet amerikane.
Kush ishte Gjeneral Scriven
Gjenerali Scriven i përkiste shoqërisë së lartë amerikane. Pasi mbaroi shkollën e lartë ushtarake të West Point ai pati nje karrierë të suksesshme. I emëruar si komandant i korpusit të sinjalistikës.
Një nga të parët ushtarake që kuptoi rëndësinë e aviacionit Gjenerali Scriven u caktua për dy vjet në krye të një korpusi të vogël por shumë të rëndësishëm i cili bëri të mundur futjen e aviacionit në shërbimin ushtarak në fillim si një element të sinjalistikës ushtarake dhe me vonë si forcës e rëndësishme ajrore.
Një shënim i vockël nga redaksia
Kur na bien rasti të shohim foto të huajsh me pejsazhet e vendit tonë, na vjen ndërmend personazhi i italianit sygjarpër tek “Gjeneral Gramafoni”, luajtur nga Guljem Radoja. Qëllimkeqësia e tij prej fashisti, prej armiku të Shqipërisë, është shprehur dhe në rastin kur ai nxjerr aparatin dhe nis e shkrep foto me pejsazhe shqiptare. E bën këtë gjë ndërsa po udhëton me karvan drejt Korçës, ku me vete kishte dhe Halit Beratin. Madje në çastin kur nxjerr aparatin dhe e vë në sy, ndryshon dhe lloji i kolonës zanore: nga e qetë dhe romantike në paralajmëruse e një kobi. Ndërsa sot, në ngazëllehemi me shkrepjet e tyre. Prej tyre shijojmë atë copë Shqipërie që nuk kemi patur fatin ta njohim, dhe kjo falë dashurisë së tyre për këtë vend. Gjenerali George Scriven ishte njëri ndër ta. /tesheshi.com/
