Dy aktiviste befasuan kancelarin gjerman Olaf Scholz, me të cilin kërkuan të fotografoheshin, duke u zhveshur befas e nxjerrë gjoksin për të kërkuar një “embargo ndaj gazit rus, tani” për shkak të pushtimit rus të Ukrainës.
Dy femrat, të cilat kanë përfituar nga dita e “dyerve të hapura” të qeverisë gjermane për të hyrë në oborrin e selisë qeveritare gjermane, kanë pasur këtë slogan të shkruar në gjoks. Oficerët e sigurimit të kancelarit i larguan me shpejtësi ndërsa ata bërtisnin parullat e tyre. Sholtz mbeti pa fjalë nga kjo e papritur.
Gjermania, e varur shumë nga gazi rus, deri më tani nuk ka arritur të vendosë një embargo të plotë për furnizimet nga Rusia.
Kur u pyet më herët sot, Scholz kujtoi përpjekjet e Berlinit për të gjetur burime alternative të energjisë si gazi natyror i lëngshëm (LNG), stacionet e para të dekompresimit të të cilit mund të jenë funksionale që në vitin 2023. “Atëherë problemi ynë i sigurisë së furnizimit mund të zgjidhet në fillim të 2024-ës,” ai shtoi.
Gjermania, si shumë vende të tjera evropiane, ka frikë se do të përballet me mungesa gjatë dimrit të ardhshëm. /tesheshi.com/
