Tre persona humbën jetën në dy aksidente të ndodhura sot.Burime policore bëjnë të ditur se aksidenti i parë është shënuar në aksin Bilisht-Korçë, pranë kryqëzimit të fshatit Progër, ku
një mjet tip “Benz” me drejtues shtetasin P.G, rreth 55 vjeç, është përplasur me një mjet motorr me të cilin udhëtonin dy persona ende të paidentifikuar, të cilët kanë gjetur vdekjen.
Grupi hetimor po punon për zbardhjen e rrethanave të ngjarjes.
Ndërkohë aksidenti tjetër, ku humbi jetën një 48-vjeçar, ka ndodhur në autostradën Levan-Tepelenë, në fshatin Buzmadh.
Personi i cili ka humbur jetën është me inicialet A.M. banues në fshatin Cakran, Fier.
Mjeti tip “Range Rover” me drejtues 55-vjeçarin A.A, banues në Vlorë, është përplasur me mjetin tip “Benz” me drejtues shtetasin 48-vjeçar.
Në Komisariatin e Policisë Fier është shoqëruar 55-vjeçari dhe po kryhen veprimet proceduriale.
Grupi hetimor po punon për zbardhjen e shkaqeve dhe rrethanave të ngjarjes. /tesheshi.com/
