BioNTech dhe Pfizer janë një hap më pranë marrjes së licencës për të prodhuar dhe përdorur vaksinën e parë efektive kundër COVID-19. Kjo ka bërë që të dalë në pah fakti që BioNTech drejtohet nga një çift me origjinë turke, fëmijë emgrantësh në dekadave më parë – Ugur Sahin dhe Ozlem Tureci.
Projekti mbi zhvillimin e një vaksine kundër virusit koronar, i quajtur “drita e shpejtë”, u nis në mes të janarit nga kompania gjermane BioNTech, raporton Deutsche Welle (DW).
Që nga ajo kohë, projekti ka përparuar me shpejtësinë e dritës dhe studiuesit nga Mainz mund të marrin miratimin në SHBA për vaksinën e tyre.
Duhet të jetë gati në mes të nëntorit, kur BioNTech dhe partneri i tij amerikan Pfizer, synojnë të aplikojnë për një licencë urgjence në Shtetet e Bashkuara.
Të dhënat aktualisht të disponueshme tregojnë mbrojtje prej 90 përqind kundër COVID-19, njoftuan të hënën BioNTech dhe Pfizer, dhe nëse marrin leje, ata do të jenë të parët në garën për vaksinën në Perëndim.
Dashuria për shkencën
Agjencia Evropiane për Rregullimin e Produkteve Farmaceutike (EMA) njoftoi fillimin e procesit të miratimit të vaksinave në fillim të tetorit.
Tani është ende duke u eksperimentuar në një process që përfshin dhjetëra mijëra njerëz.
Në mënyrë që të përshpejtohet procesi i miratimit, rezultatet e përkohshme tani po kontrollohen vazhdimisht derisa informacioni i mjaftueshëm të jetë i disponueshëm për një vendim miratimi, sipas EMA.
Pas kompanisë së bioteknologjisë BioNTech janë dy njerëzit kryesorë, Ugur Sahin dhe Ozlem Tureci.
Në janar, këta mjekë e kuptuan se për çfarë bëhej fjalë dhe e përqëndruan kërkimin e tyre në zhvillimin e një vaksine kundër virusit.
Tre muaj më vonë, ata kishin kandidatët e parë për vaksinën në zhvillimin klinik.
Deri atëherë, të dy ishin përqëndruar në luftimin e kancerit.
Sahin dhe Tureci përdorin faktin se trupi i njeriut shpesh mund të ndihmojë veten kur sulmohet nga bakteret ose viruset.
Qëllimi i tyre është të zhvillojnë imunoterapi që stimulon mekanizmat e vetë-shërimit dhe dërgon mbrojtjen e vet për t’i bërë tumoret malinje të padëmshme, sipas DW.
“Unë e kuptova shumë herët që isha i interesuar për shkencën,” tha Sahin kur iu dha Çmimi i Shkencës në 2019.
Shpresoj për vaksinën BNT162b2
“Unë isha i interesuar për imunoterapinë”, thotë 54-vjeçari, duke shtuar: “Unë isha i interesuar në mënyrën se si funksionon sistemi imunitar, si mund të drejtohet për të njohur dhe sulmuar qelizat kancerogjene”.
Ozlem Tureci është vajza e një mjeku turk i cili erdhi në Gjermani nga Stambolli.
Ndërsa kur Sahin erdhi në qytetin Zarland, turqit po studionin mjekësi atje.
Sot ai jep mësim në Universitetin e Mainzit dhe konsiderohet si një pionier i imunoterapisë nga kanceri.
“Unë u ndikova fort nga babai im, i cili punonte si mjek. Edhe si vajzë, as që mund ta imagjinoja të bëja ndonjë punë tjetër”, thotë Ozlem Tureci.
Kur Tureci dhe Sahin u martuan në 2002, Sahin tashmë ishte duke punuar në Klinikën Universitare në Mainz.
Në vitin 2008, të dy themeluan BioNTech.
Këtu, para së gjithash, ata po punojnë në zhvillimin e teknologjisë dhe barnave për imunoterapinë e kancerit të individualizuar.
Sidoqoftë, deri më tani asnjë prej këtyre barnave nuk është zhvilluar në masën që do të licencoheshin për përdorim.
BioNTech aktualisht punëson më shumë se 1,300 njerëz nga më shumë se 60 vende.
Ndër 100 gjermanët më të pasur
Në të njëjtën kohë, më shumë se gjysma e tyre janë gra me arsim të lartë – një e katërta e tyre kanë një doktoraturë.
“Në mënyrë që të jemi në gjendje të sigurojmë menjëherë sasi të mjaftueshme për shitje komerciale në rast të miratimit të vaksinës sonë BNT162b2, ne tashmë jemi duke investuar shumë në zgjerimin e kapacitetit të prodhimit. Në dy vende, Idar-Oberstein dhe Mainz, linjat e prodhimit tashmë po punojnë ditë e natë,” thuhet në një raport biznesi të BioNTech.
Në ndërkohë, shumë vite punë kërkimore ka qenë gjithashtu financiarisht shumë fitimprurëse për këtë çift hulumtues.
Ugur Sahin mban 18 përqind të aksioneve të BioNTech dhe me suksesin e kompanisë brenda natës ai u bë një nga 100 gjermanët më të pasur, të paktën në letër. /tesheshi.com/
