Presidenti Filipine Rodrigo Duterte po kërcënon me burgim ata qytetarë që nuk pranojnë të vaksinohen kundër COVID-19 ndërsa vendi i tij po lufton një betejë të madhe me koronavirusin, pasi ka mbi 1.3 milion të infektuar dhe më shumë se 23,000 të vdekur.
“Ju vendosni, ose vaksinoheni ose shkoni në burg”, u tha Presidenti Duterte qytetarëve në një mesazh televiziv pas një raporti të një përgjigje të ulët ndaj vaksinimeve në kryeqytetin Manila.
Vërejtjet e Duterte bien në kundërshtim me pretendimet e zyrtarëve të tij shëndetësorë të cilët thanë se megjithëse njerëzit inkurajohen të vaksinohen, ajo është ende vullnetare.
Që nga 20 qershori, 2.1 milion njerëz janë vaksinuar plotësisht në Filipine, që është shumë pak përparim duke pasur parasysh se qëllimi i qeverisë është të vaksinojë deri në 70 milion njerëz deri në fund të vitit, në një vend me një popullsi prej 110 milion.
“Mos më keqkuptoni, por vendi është në krizë, unë jam zemëruar me qytetarët që nuk e respektojnë qeverinë e tyre,” tha Duterte.
Duterte tashmë është kritikuar për qasjen e tij të ashpër në kontrollin e infeksionit, ndër të tjera, për vendimin e tij të vendosur për të mbajtur shkollat të mbyllura. /tesheshi.com/
