Nëse në mëngjes keni nevojë për një dopio kafe për t´u ndjerë më mirë, ekspertët këshillojnë që një dush që do të zgjasë vetëm 90 sekonda, do ju mbushë me energji.
Ekspertët në Akademinë Career Girls thonë se shumica e njerëzve bëjnë dush në mënyrë të gabuar në mëngjes. Uji i ngrohtë e përgjum edhe më tepër trupin, pavarësisht se ju duket se kur dilni prej tij, jeni më të freskët.
Ndaj këshilla që jepet është kjo: dush me ujë të ftohtë për 30 sekonda, pastaj 30 sekonda me të ngrohtë dhe përsëri për 30 sekonda me të ftohtë.
Ndonëse nuk mund të ndiheni rehat, kombinimi i dushit të ftohtë dhe të ngrohtë hap kapilarët dhe përmirëson qarkullimin, dhe kjo stimulon trupin dhe trurin. Gjithashtu zvogëlon stresin pasi ndërton një “nivel tolerance”, përmirëson sistemin imunitar duke krijuar qeliza të bardha të gjakut dhe djegie më efektive të yndyrës.
Victoria Beckham praktikon rregullisht këtë metodë, madje vë në dukje se kjo formë dushi ka një efekt antidepresant, pasi dërgon një nivel të lartë të impulseve elektrike në tru. /tesheshi.com/
