Bashkia e Durrësit është përballur me një tjetër dorëheqje në majë të saj në kulmin e një tjetër krize, siç është kjo pandemike.
Kryetari i emëruar i saj, Zhuljen Varfaj, tha se kishte arsye për të mos e vijuar më detyrën.
“Puna e koronavirusit e ndërlikoi situatën time, unë jam i sëmure dhe duhet të ruhem. Kisha kufizuar vajtjen në punë, në një kohë që bashkia më do prezent gjithë ditën. Kjo ishte zgjidhja më e mirë, që në krye të bashkisë të ishte dikush që është prezent në punë”, tha ai.
Kujtojmë që Varfaj zëvëndësoi të dorëhequrën Valbona Sako, e cila për shkak të një deklaratë që iu keqkuptua, s’e përballoi presionin mediatik e shoqëror, vendosi të dorëzojë detyrën e kryebashkiakes së qytetit bregdetar.
Ndodhi kjo në mes të krizës termetore të fund-nëntorit, ku Durrësi që dhe qyteti më i prekur. /tesheshi.com/
