Të paktën 15 qytetarë nga Kosova janë helmuar këtë të dielë në një restorant tek Shkëmbi i Kavajës në plazhin e Durrësit.
Pushuesit kishin ardhur në bregdetin e Durrësit për të kaluar një fundjavë pranë plazhit, por pas konsumit të drekës, kanë shfaqur shenja helmimi, e kësisoj janë nisur drejt urgjencës në Tiranë.
Nga ana tjetër, Autoriteti Kombëtar i Ushqimit ka reaguar duke bllokuar restorantin në fjalë. Hetimet tashmë kanë nisur dhe pritet zbardhja e shkakut që helmoi 15 pushuesit. /tesheshi.com/
