Kreu i PBDNJ-së, përfaqsuesi më adekuat i politikës greke në Shqipëri, akuzoi këtë të enjte në parlament kryeministrin Rama se qëllimisht, zgjodhi një gravuë të Akropolit me një minare.
“Po është e vërtetë se aty ka patur një minare”, tha Dule, por që sipas tij, Europa ka zgjedhur Akropolin si simbol lirie e jo minarenë. “Ti edhe Perekliun kërkon ta shohësh me çallmë”, vijoi më tej Dule, duke përdor një gjuhë pezhorative ndaj simboleve islame në vargun e akuzave të rënda ndaj shefit të qeverisë.
Dule e ka quajtur Ramën një aventurier në raport me linjën e raporteve diplomatike që po ndjek me Greqinë, ndërsa një grabitës pronash sa i përket asaj që po ndodh ne Himarë me shpronësimet. Sipas Dules, Himara po paguan ende antikomunizmin e saj që në ‘45-ën. /tesheshi.com/
