Një debat me ironi dhe kunja është zhvilluar në Kuvend ndërmjet kreut të PBDNJ-së, Vangjel Dule dhe Kryeministrit Edi Rama.
Duke marrë fjalën në debatin që kishte Himarën si pikënisje, Dule e akuzoi Ramën për fjalor urrejtje dhe rracizëm në Kuvend.
Kreu i PBDNJ-së, duke cituar një gazetar grek tha se kryeministri i Shqipërisë është shumë i zymtë.
Menjëherë ia ktheu Rama, duke përdorur ironi edhe më të mprehtë: “Zoti Vangjeli, unë nuk shava apo urreva kënd, thjesht dhashë qëndrimin tonë për Himarën.
Tani nëse jam i zyrmtë nuk kam ç’bëj, ashtu jam. Rri pranë Saliut dhe ndriçoju se ai është diell, por kujdes se mos nxihesh”. /tesheshi.com/
