Kreu i PBDNJ-së Vangjel Duke, ka thënë se duhet të kërkojë falje për faktin se ai ka firmosur që Rama të jetë kryeministër.
“Unë jam një nga firmëtarët te presidenti Nishani për t’i dhënë mandatin Ramës si kryeministër. Duke parë ngjarjet se si ndodhën, jam i detyruar të kërkoj dhe falje”, tha Dule.
Njeriu që drejton faktorin minoritar grek në Shqipëri, e që aludohet se ndjek besnikërisht politikat e Athinës në anën jo korrekte të tyre, pati një krisje me shefin e qeverisë shqiptare që me nisjen e reformës territoriale, pasi nuhati që aty qe dhe skema e “ç’greqizimit” të Himarës, në fillim duke e bashkuar me Vranishtin lab, e më pas duke vënë në krye si kryebashkiak një filoshqiptar, siç Jorgo Goro, gjë që ndodhi në zgjedhjet e vitit 2015.
Po në zgjedhjet lokale të këtij viti, PBDNJ-ja e Dule ç’faktorizohen politikisht në tregues elektoralë në jug të vendit, një operacion që u drejtua nga njeriu që atë kohë etiketohej nga opozita si “beu i jugut”, Koço Kokëdhima. Edhe me këtë të fundit, Dule pati një armiqësi verbale. Prej atëhere, Dule u shndërrua në armik të Ramës, duke vendosur të kalojë në aleancë me PD, e pandodhur kjo në gjithë vitet e tranzicionit. /tesheshi.com/
