E imagjinoni si do të ishte komunikimi ynë me mesazhe nëse nuk do të ishte WhatsApp-i? Epo, përgatituni, pasi duke filluar nga fillimi i vitit të ardhshëm ai nuk do të jetë më funksional në disa celularë.
Ata që kanë një telefon me sistem operativ të vjetër duhet t’i thonë lamtumirë këtij aplikacioni. E vetmja zgjidhje mbetet blerja e një telefoni ku mund të instalohet WhatsApp-i.
Për të qënë më specifik, aplikacioni i njohur i mesazheve nuk do të funksionojë në iPhone 3GS (sistem operativ iOS6), në asnjë celular me sistem Android 2.1 e Android 2.2 e as në Windows Phone 7.
Gjithashtu, duke filluar nga muaji korrik 2017 WhatsApp nuk do të funksionojë as në telefonat BlackBerry 10, Nokia S40 dhe Nokia Symbian S60. Por, ky lajm nuk është i pa pritur, pasi kompania i kishte lajmëruar përdoruesit që në pranverën e këtij viti me anë të një mesazhi në blogun e WhatsApp-it.
Vendimi i WhatsApp-it për të mos mbështetur më përdorimin në telefonat e vjetër ka ardhur pas vendimit pët t’u përqendruar vetëm në modelet e rinj dhe në avancimin e aplikacionit me tipare të reja. /tesheshi.com/
