Amerikanët shënojnë përvjetorin e sulmit më tragjik në histori, atë ndaj Qendrës Tregtare Botërore në New York dhe ndërtesës së Pentagonit në Uashington, të cilat u cilësuan si “terroriste” dhe iu atribuuan Al-Kaedës, ose ndryshe Bin Ladenit. Megjithatë, çfarë ndodhi atë 11 shtator 2001, e ka të lartë valencën e pikëpyetjeve konsipracioniste, pasi shmë aspekte mbeten të mjegulluara dhe të paqarta.
Ishe një ngjarje larg çdo imagjinate e cila tronditi jo vetëm SHBA-të, por edhe pjesën tjetër të botës. Historianët pajtohen se sulmi ndryshoi rrjedhën e historisë dhe se bota nuk ishte e njëjtë pas 11 shtatorit.
Në fakt, sulmi ndodhi në një kontest jo aq të trazuar gjeopolitik sa sot, me frikën e një lufte të re botërore. Bota po jetonte një moment pa ndonjë tension kërcënues, me një Rusi të pazëshme, në hallet e veta të brendshme, por me një narrativë të ashpërsuar amerikane kundër Irakut të Sadamit dhe Afganistanit të talebanëve. Dhe ishte pikërisht sulmi mbi kullat binjake që çoi amerikanët të sulmonin këto dy vende, duke rrëzuar kësisoj regjimet e atjeshme.
Në rrëzimin e kullave të WTC, pos qindra viktimave, tonelata çeliku, betoni, qelqi dhe azbesti u shembën dhe shumë nga ata që punuan dhe ndihmuan në “Ground Zero” u sëmurën për shkak të substancave kancerogjene. /tesheshi.com/
