Presidenti i Federatës Shqiptare të Futbollit, Armand Duka është ndarë i lumtur me rrjedhën se si shkoi ndeshja, megjithëse shpesh herë ishte ishte ngacmuar nga homologu i tij, Fadil Vokrri, për çdo rast që kishte krijuar Kosova.
“Mendoj se ishte më shumë se që prisnim. Qëllimi ynë ishte të ndanim gëzimin mbarëkombëtar të të gjithë shqiptarët. Loja ishte jashtëzakonisht e bukur, një atmosferë fantastike dhe besoj se më mirë se kaq, nuk kishte ku të shkonte. Ishte një ndeshje festive, megjithëse Vokrri i cili ishte ulur afër meje më shtyente për çdo rast të mirë që kishte Kosova”, shprehet në shaka Duka.
Më tej ai shtoi se kombëtarja shqiptare është ndërtuar me pjesë të ndryshme nga të gjitha trevat shqiptare, por që do vazhdojnë edhe më tej të ndihmojnë Kosovën drejt pranimit në UEFA dhe në FIFA.
“Qëllimi ynë kryesor është të bëjmë më të mirën për futbollin shqiptar. Nuk besoj se do e pengojë dikush këtë simfoni. Kemi kontribuar në çdo gjë, që kemi patur mundësi për futbollin shqiptar. Kemi ndërtuar një ekip kombëtar nga të gjitha trevat shqiptare, por do punojmë fort edhe për pranimin e Kosovës në instancat më të larta të futbollit në botë”, përfundoi Duka.
/tesheshi.com/
