Veterani i Hollywood-it, Clint Eastwood, rikthehet në moshën 93-vjeçare pas kamerës si regjisor, duke realizuar filmin “The Juror 2”.
Filmi po xhirohet në shtetin amerikan të Georgia-s dhe në të do të luajnë aktori britanik Nicholas Hoult si dhe aktorja australiane Toni Collette, raporton revista People.
Në film do të shfaqen edhe ylli kanadez Kiefer Sutherland dhe aktorja amerikane Zoey Deutch.
Projekti i ri i legjendës së gjallë të kinemasë amerikane dhe botërore është një thriller legal, komploti i të cilit ndjek një jurist në një gjyq vrasjeje, i cili kupton se mund të ketë shkaktuar vdekjen e viktimës dhe duhet të përballet me dilemën nëse duhet të manipulojë.
Ky do të jetë filmi i parë i fituesit të shumëfishtë të Oscar-it që nga “Cry Macho” i vitit 2021.
Xhirimet rifilluan pasi shumë prodhime filmike u ndërprenë për shkak të grevës së aktorëve amerikanë që filloi në mes të korrikut dhe përfundoi së fundmi.
Rasti i Clint Eastwood, aktiv në moshën 93-vjeçare, tashmë si regjisor pas një karriere si aktor, duhet të jetë i rrallë në botën e artit.
Ndoshta mund t’i afrohet legjenda korçare e skenës, Koço Qendro, i cili edhe pse është 95 vjeç vijon të aktrojë si të qe në kulmin e moshës. /tesheshi.com/
