Petro Koçi, deputet i PS-së në Fier, ka lëshuar tjetër piskamë mbi korrupsionin nën qeverisjen e forcës së tij, duke mos kursyer dhe një “Jazëk”.
Ai i referohet asaj çfarë ndodh sipas tij në Kadastrën e Fierit, teksa shkruan: “Me vjen mire te informohem se do hapet konkurrimi per drejtor te ri te kadastres ne Fier dhe do kete nje inspektim te thelle te veprimtarise ne kete institucion.
Kerkohet bashkepunimi i cdo punonjesi te ndershem brenda personelit aktual dhe shpirt te paster sipermarres nga profesioniste te fushes qe mund te perballojne pergjegjesine e madhe per te drejtuar me ndershmeri ne te ardhmen Kadastren”.
Por ndërsa këto fraza janë të qeta e normale, ato të thëna pak para tyre, në një tjetër status, janë tronditëse.
“Kadastra e Fierit po kthehet nga muze i korrupsionit dhe pisllekut edhe ne nje atraksion per shushunja gjakthithese te reja e te vjetra.
Nje konjukture ndervepruese, armike me moralin e qeverisjes se PS dhe te fitores se 25 Prillit.
Jazek!”.
Kujtojmë se muaj më parë, Petro Koçi, sapo kishte marrë mandatin e deputetit në Fier, do shokonte opinionin me denoncimin që bënte, duke pretenduar se krimi i është sulur parasë publike në Fier, duke rrëmbyer tendera. /tesheshi.com/
