Është mbyllur pas tre orëve séanca e Komisionit të Mandateve dhe Rregulloreve për të vazhduar me dyer të mbyllura. Komisioni është përplasur me pyetje-përgjigje dhe detaje proceduriale për atë që a ka prova apo jo ndaj deputetit Saimir Tahiri.
Në gjithë këtë kohë janë vënë re dy çështje: e para Prokuroria ka bërë të ditur se provat që ajo dispoziton për implikimin e Saimir Tahirit nuk dëshiron t’i bëjë në seancën me dyer të hapura, por në një seancë të mbyllura.
Ndërkohë, deputetët e mazhorancës kanë insistuar në atë që sa prova ka prokuroria për implikimin e Saimir Tahirit, deputetët e opozitës kanë kundërshtuar mazhorancën, duke thënë se po pengohet prokuroria.
Ndërkohë nga jashtë komisionit, kanë dalë lajme që tregojnë se tre prokurorët që kanë prezantuar akuzën, Besnik Hajdarmataj, Elizabeta Imeraj dhe Gentian Osmanaj kanë lidhje të afërta me familjen e ish-kryeministrit Sali Berisha.
Seanca vazhdon të jetë e tensionuar, ndërkohë që mazhoranca kërkon që të vazhdojë e hapur, opozita kërkon që të jetë e mbyllur.
Saimir Tahiri, nga ana e tij ka qenë mjaft nervoz dhe i ka paraqitur disa pyetje prokurorëve, të cilat këta të fundit realisht nuk i kanë dhënë përgjigje por kanë kërkuar që t’i japin në seancën me dyer të mbyllura.
Tahiri nga ana e tij ka bërë të ditur se në materialin e përgjimeve të Prokurorisë italiane flitet për një Saimir që ngre thasë me hashash dhe ka kompani kamionësh që nuk është ai por një tjetër.
Seanca ka vazhduar gjatë me përplasje dhe replika.
Në fund Gramoz Ruçi ka vendosur që të bëjë në fillim seancën me dyer të mbyllura, ndërsa fjalën e Saimir Tahirit dhe avokatit të tij do ta japë në transmetim të drejpërdrejtë. /tesheshi.com/
