Për valën e re të drejtuesve të biznesit që janë kthyer në “nomadë dixhitalë” pas pandemisë, destinacioni më i mirë duket të jetë Dubai.
Të paktën kështu sugjeron analiza e re nga agjencia e pasurive të paluajtshme Savills Plc., e cila renditi 20 tregjet më të mira të pasurive të paluajtshme për sa i përket atraktivitetit të tyre për punëtorët e largët.
Dubai dhe sektori i tij fintech gjithnjë në rritje kanë tërhequr një mori punëtorësh “hibridë”, shumë prej të cilëve janë prekur nga 200,000 pushimet nga puna që kanë goditur sektorin e teknologjisë këtë vit.
“Shumë prej tyre kanë humbur punën e tyre në kompanitë e mëdha të teknologjisë,” vuri në dukje ekzekutivi i Savills Plc, Swapnil Pillai, duke shtuar se “ata tani janë kthyer në Dubai, duke nxitur sektorin e fintech dhe shërbimeve financiare”.
Kalimi në punën hibride ka shtyrë shumë drejtues biznesi të gjejnë vende më të mira jetese me akses të drejtpërdrejtë në aeroporte. Sipas një sondazhi të veçantë nga konsulenca AWA, e cila mori kampion në 22 vende të ndryshme, punëtorët shkojnë në zyrë vetëm 1.75 ditë/javë, ndërsa 37% e punëdhënësve pritet të zvogëlojnë vendet e tyre të punës si rezultat i këtij normaliteti të ri.
Në të njëjtën kohë, nisur nga rritja e qirave në “hot spotet” e nomadëve dixhitalë, shumë prej tyre kanë ndryshuar preferencat e tyre. Krahasuar me vendin e parë të vitit të kaluar në renditjen e Savills, Lisbona tani ka rënë në vendin e 5-të, për shkak të rritjes së kostos së jetesës dhe qirave të larta. Përkundrazi, “e reja” në listë, Málaga u ngjit direkt në vendin e dytë në listë, edhe për shkak të qendrës së re teknologjike që Google po hap në qytet.
Pak pas Malaga-s, pason Miami, duke pasur parasysh taksat e ulëta, qiratë e reduktuara dhe plazhet e megaqytetit që tërheq drejtuesit e kompanive nga Çikago e “ngrirë” dhe New York-u. /tesheshi.com/
