Presidenti i SHBA-së, Donald Trump, telefonoi kryeministrin izraelit Benjamin Netanyahu për të theksuar rrugën diplomatike në kontekstin e diskutimit mbi kërcënimin bërthamor iranian, tarifat ndaj mallrave izraelite, duke theksuar miliarda ndihma amerikane të ofruara tashmë për Izraelin.
Deklaratat e presidentit amerikan Donald Trump dhe kryeministrit Benjamin Netanyahu pas takimit të tyre të hënën, 7 prill 2025, në Shtëpinë e Bardhë zbuluan se arsyeja e vërtetë për mbërritjen e nxituar të Netanyahu në DC ishte fillimi i negociatave me Iranin, jo tarifat e vendosura ndaj Izraelit, siç kishin besuar disa.
Trump donte të informonte privatisht Netanyahun për bisedimet e nivelit të lartë me iranianët, në mënyrë që të shmangte çdo surprizë, por edhe të sigurohej që Izraeli të mos ndërhynte apo pengonte ato përpjekje, ndoshta edhe duke sulmuar Iranin.
Sa i përket tarifave, Netanyahu u prit me një përgjigje edhe më poshtëruese.
Pasi u nis drejt Shteteve të Bashkuara nga një vizitë në Hungari, Netanyahu kthehet në shtëpi duarbosh dhe tarifat mbeten në fuqi.
Bisedimet e drejtpërdrejta SHBA-Irani ndoshta nuk janë ato që Netanyahu shpresonte të dëgjonte. Iranianët kanë thënë se refuzojnë të flasin drejtpërdrejt me amerikanët dhe nuk i besojnë Trump-it, por kërcënimet e presidentit duket se i kanë bindur ata të vijnë në tryezë.
Kryeministri i Izraelit ishte më i kënaqur kur Trump tha se do të ishte një “ditë shumë e keqe” për Iranin nëse bisedimet nuk do të kishin sukses.
Por Netanyahu u kthye në shtëpi duarbosh. Jo vetëm që tarifat mbetën, tani për tani Trump përmendi edhe ndihmën ushtarake prej katër miliardë dollarësh që Izraeli merr nga Shtetet e Bashkuara.
Gjithçka që ndoqi Netanyahu ishte një premtim se bisedimet për tarifat do të vazhdonin.
Po kështu, Bibi nuk morri dhe atë që synonte për Turqinë, presionin amerikan ndaj Ankarasë për t’u tërhequr nga Siria, pasi Trump i shpalli “sy më sy” respektin për Turqinë dhe Erdganin. Gjithashtu, Netanyahu morri nga Trump këshillë-urdhërin për një marrëveshje tjetër armëpushimi me Hamasin. /tesheshi.com/
