Ministri teknik i Punëve të Brendshme, Dritan Demiraj, ka bërë bilancin e punës së tij që nga dita e marrjes së detyrës.
Në një postim në facebook ai ka thënë që nga data 22 maj deri në 8 qershor janë sekuestruar 4 ton e 438 kilogramë kanabis, janë shkatërruar 5295 bime narkotike dhe sekuestruar 80 doza heroine, si dhe janë arrestuar 30 persona, 12 janë në kërkim dhe 4 në ndjekje, ndërsa janë sekuestruar edhe 7 gomone.
Sipas tij, po vazhdon monitorimi nga ajri në qarqet Vlorë, Berat, Gjirokastër, Fier, Lezhë e Shkodër.
“Luftë pa kompromis kundër kanabisit dhe përdorimit të parave të drogës në fushatën elektorale. Ministria e Punëve të Brendshme dhe Policia e Shtetit është e angazhuar të zbatojë ligjin dhe misionin kushtetues. Të vendosur të bëjmë dallimin”- thekson ai./tesheshi.com/
