Ministria e Rendit ka reguar sërish lidhur me një lajm të publikuar nga disa media për një raport sekret lidhur me kultivimin e drogës në Shqipëri.
Sipas autoriteve të Rendit, ky lajm është tërësisht i pavërtetë dhe një sajesë e qëllimshme për të cënuar integritetin e policisë dhe punën e saj. Deklarata potencon të përditshmen Shekulli si përhapëse të saj, e cila, siç dihet përcjell si linjë editoriale qëndrimet e Koço Kokëdhimës, si themelues dhe drejtues i saj de fakto.
“Theksojmë se është një lajm tërësisht i gënjeshtërt, për raporte të fabrikuara nga redaksi që kanë si synim vetëm përbaltjen e punës së policisë. Një raport i tillë nuk ka egzistuar kurrë e as egziston. Ky lajm i fabrikuar mbi egzistencën e një raporti tërësisht të sajuar, fsheh mbrapa interesa personale, politike dhe kriminale”, thuhet më tej në deklaratën e dikastert të drejtuar nga Saimir Tahiri.
Dhe aludimi nga ajo ëfarë thuhet në deklaratë është i qartë, ku akuzat shkojnë për Koço Kokëdhimën, ish-deputetin e shumëpushtetshëm të PS-së në jug, por që iu hoq si mandati nga Kushtetuesja, e si pushteti politik që ushtronte. E prej javësh, tek Shekulli i tij ka një fushatë denoncimi antiqeveritar në emër të luftës kundër drogës.
Siç dihet, është LSI ajo që prej kohësh është investuar në largimin e Saimir Tahirit, ndërkohë që Koçoja, pas ftohjes me Ramën është zhvendosur dalëngadalë në prehërin e ngrohtë të Ilir Metës. /tesheshi.com/
