E munguar prej javësh nga dalja në publik me deklarata politike, kryetarja e LSI-së, Monika Kryemadhi është rishfaqur por vetëm në FB, duke reaguar mbi drogën e kapur në Maminas. Dhe kuptohet se dhe ajo, ashtu siç dhe kryeopozitari Basha, mbi gjysëm ton kokainë të kapur e kanë lidhur me kryeministrin Rama.
“Kryeministri ka frikë të thotë se ky aksion është kryer me ndihmen e partnerëve tanë ndërkombëtarë, të atyre që vetëm dy ditë më parë paralajmeruan lidhjet e rrezikshme të politikës me trafikun e lëndëve narkotike. Edi Rama tashmë është i tmerruar nga hetimet e mëtejshme të kësaj sasie kokaine të paparë ndonjëherë në Shqipëri, sepse e di mirë që fijet dhe lidhjet e kokave të trafikut nuk janë as punonjësit e portit dhe as ata të kompanisë modeste. Diku më lart e më thellë gjenden ata që e drejtuan dhe dhanë garanci për transportin e një sasie të ngjashme me ato të filmit ‘Narcos’”, shprehet znj. Kryemadhi.
Sipas saj, tani e tutje Ramës do i duhet një avokat i mirë për veten. /tesheshi.com/
