Ndryshe nga Presidenti Meta, kryeministri Edi Rama ia ka dedikuar suksesin e kapjes së gjysmë ton kokainë të vlerës 180 milion euro, të gjithë strukturave shqiptare. Në një mesazh në FB sa një editorial, Rama shkruan se nuk ka patur asnjë sinjalizimin nga jashtë.
“Edhe fakti që ky operacion është zhvilluar i gjithi në territorin e vendit, pa asnjë sinjalizim nga vendet europiane ku ngarkesa ka udhëtuar përpara se sa të hynte në portin e Durrësit”, shprehet Rama, ku nën rreshta jep të kuptuar se partnerët e huaj kanë dështuar në këtë rast.
Sipas shefit të qeverisë, kanë qenë disa lëvizje në dogana, ku përfshihet dhe ndryshimi i kokës drejtuese të Portit të Durrësit, që kanë sjellë këtë rezultat.
“Puna e madhe që është bërë për të vendosur nën një kontroll rigoroz pikat doganore, duke filluar nga porti i Durrësit, ku edhe është krijuar një rrjetë efikase kontrolli mbi bazë risku, ka dhënë rezultate të vazhdueshme në aspektin doganor, por në këtë rast ka mundësuar edhe zanafillën e këtij operacioni spektakolar”, thekson kryeministri. /tesheshi.com/
