Ka reaguar edhe Presidenti Meta në lidhje me kapjen e mbi një ton kokainë në Portin e Durrësit. Por në mesazhin e tij përshëndetës, dallohet një anashkalim i dedikimit të meritës ndaj autoriteteve shqiptare, ose ndryshe qeverisë, duke ia kaluar këtë vetëm atyre të fqinjit, Italisë.
“Presidenti Meta përshëndet rolin e Anti-Mafias italiane dhe paralajmërimet e saj konsistente për rrezikun që i vjen, jo vetëm Shqipërisë dhe Italisë, por edhe rajonit, nga fuqizimi i krimit të organizuar”, thuhet në deklaratën e Presidencës.
Më tej, deklarata godet qeverinë në një formë të kamufluar, ku thuhet se: “Presidenti Meta duke theksuar rrezikun kryesor që i vjen sigurisë kombëtare të vendit nga fuqizimi i krimit të organizuar dhe trafikut të drogës, kërkon thellim të mëtejshëm dhe intensifikim të bashkëpunimit të agjencive ligjzbatuese me partnerët ndërkombëtarë.” /tesheshi.com/
