Gazetarja e njohur e kronikës, Klodiana Lala, një lloj “Artan Hoxha” në variantin femër, ka hedhur dyshime se Arbër Çekaj, pronari i kompanisë “Arbër Garden” ku u kap 618 kg kokainë e vlerës 180 milion euro, ka lidhje me mazhorancën. Në gjykimin e saj, kjo sasi e madhe droge nuk ka gjasë që të mos ketë implikuar institucionet shtetërore.
Po ashtu, ajo tha gjatë një komentimi të rastit në News 24, se kjo sasi ka lidhje me dy grupe kriminale nga ato prej 40 sosh të përmendura prej ministrit Xhafaj që veprojnë në territorin shqiptar.
Gazetarja Lala veçoi dhe faktin se pse kjo sasi e madhe kokainë, e cila ka rrugëtur në një rrugë europiane për të ardhur në Shqipëri, do merrte sërish rrugën drejt Europës. Sipas saj, kjo provon kthimin e Shqipërisë në një pikë tranziti droge. /tesheshi.com/
