Izraeli është në një periudhë krize politike, pas largimit të Idit Shilman, një deputete nga partia e djathtë Yamina e kryeministrit Bennett.
Me këtë dorëheqjen, qeveria izraelite humbet shumicën në Knesset, pasi balanca e fuqive tashmë është 60-60. Nëse largohet një deputet tjetër, atëherë qeveria mund të bjerë me veprimet e opozitës.
Kjo sepse nëse opozita fiton një shumicë, ajo mund të përpiqet të formojë një qeveri pa pasur nevojë të shkojë në zgjedhje.
Arsyeja pse Shilman vendosi të largohej është vërtet interesante. Ajo tha se “nuk mund të duronte më” dhe nuk mund të vazhdonte të minonte identitetin hebre të shtetit të Izraelit. Deputetja pati një sherr të fortë me ministrin e Shëndetësisë për lejimin e hamexhit, pra drithërave të thartë, në spitale, gjatë periudhës së Pashkëve, diçka që ndalohet me ligj hebre.
Reagimi i ish-kryeministrit Benjamin Netanyahu ishte pozitiv, i cili përgëzoi Shilmanin për vendimin e saj, “në emër të shumë qytetarëve izraelitë që prisnin në këtë moment”.
Megjithatë, një deputet laburist tha se ishte e qartë se mosmarrëveshja mbi hamexhin nuk ishte “problemi i vërtetë” dhe shtoi se qeveria ishte gjithmonë vigjilente për çështjet e fesë dhe shtetit.
Shilman, sipas thashethemeve, thuhet se u largua nga koalicioni sepse asaj iu ofrua një vend në listën elektorale në zgjedhjet e ardhshme, si dhe posti i ministres së Shëndetësisë nëse partia e Netanyahut formon një qeveri.
Në letrën e saj të dorëheqjes drejtuar kryeministrit Bennett, ajo thotë: “Është koha të ripërcaktojmë kursin tonë dhe të përpiqemi të krijojmë një qeveri kombëtare, çifute, sioniste”. /tesheshi.com/
