Edhe pse në moshë të thyer, shkrimtari Dritëro Agolli vijon të japë opinione, nganjëherë dhe receta për cështje të politikës së ditës. I kërkuar gjithnjë nga media për ndonjë “xhevahir”, jo letrar por politik, Agolli nuk përton t’i ofrojë ato, si në rastin kur është shprehur në lidhje me disa aksione qeveritare, sidomos atë kundër informalitetit. Ai ka kundërshtuar sidomos praktikën e “spiunimit”
“Denoncimi nga qytetarët nuk më duket i studiuar mirë, sepse vendos të gjithë popullin spiun. Ne kemi vuajtur nga kjo gjë. Njerëzit do kenë frikë të rrinë dhe të flasin në tavolinë. Mund të ketë dhe shtrembërime fjalësh dhe informacionesh, sepse ka dhe xhelozira dhe inate, dhe kërkon shumë kujdes kjo gjë. Por duhet të kihet kujdes kur fillohet një nismë, që të mos këtë prapësim rrugës apo të kthehesh në pikën e parë, atje ku ishe”, është shprehur Agolli në një intervistë për Panorama-n, gazetën që e sjellë atë herëpashere njeriun e njohur të letrave shqipe në qendër të debateve politike. /tesheshi.com/
