Mediat e raportuan pa asnjë fliltër një vajzë që u vetëemërtua në protestë si e motra e Klodian Rashës, gjë që më vonë doli të ishte një Fakë, e kjo pas reagimit të fmiljarëve të 25-vjeçarit të ndjerë, të cilët thanë se ajo nuk është bija e tyre.
Dhe në fakt doli se Bora Haruni, e cila pas intervistës edhe u shfaq e alivanosur mes turmës, mund të qe gjithçka por jo motra e Klodianit.
Me origjinë nga Konispoli, pra as nga Dibra e Klodianit, gjithsesi ajo e kishte një shpjegim se pse të ndjerin e “kishte vëlla”, thënë këtë për Shqipëria live në TCH.
“Më kanë keqkuptuar si të isha motra e tij, por jemi rrit në një lagje dhe prandaj kam folur si motra e tij. Më kanë hapur probleme dhe besoj që t’i heq. Nuk kam folur me familjarët e Klodian Rashës dhe më kanë marrë familja ime”, tha Haruni.
TCH kujton deklaratën e saj para mikrofonëve të medias në protest kur tha: “Dua një të drejtë nga shteti, dua të drejtën e vëllait tim. Për çfarë u vra? Për çfarë policia nuk qëlloi në ajër, por i qëlloi në kokë. Kërkoj drejtësi për vëllanë tim, ne duam të drejtën për çfarë arsye është vrarë. Nuk e prisja kur kam marrë vesh se vëllai im është i vrarë. Më thoshin se është arrestuar, kur ma kanë sjellë jam tronditur”, ishin fjalët e vajzës, e vetëservirur te media si e motra e Klodian Rashës.
Për të u tha gjithashtu se mund të qe dhe me probleme të tipit psiqik sapo u bë e qartë se nuk ishte e motra e të ndjerit.
Ndërkohë, nuk u kuptua se ç’e gjeti që u raportua në media si me rënie të fikti, por ajo vetë tha: “Më ra të fikët në protestë ku më goditën në bark dhe në shpinë”.
Gjithsesesi, ajo ishtë e qartë në prononcimin e saj teksa i kërkoi ndjesë familjes së Klodianit dhe se u uroi parajsën të ndjerit, “vëllait” të saj.
“I kërkoj shumë falje familjes dhe Zoti e qoftë në xhenet”. /tesheshi.com/
