Dritë në tunel? Negociata për takim Putin-Zelensky

Zëdhënësi i presidentit ukrainas Volodymyr Zelensky, Serhiy Nikyforov, tha sonte se janë duke u zhvilluar negociatat mes Kievit dhe Moskës për mbajtjen e procesit me bisedime për paqe, raporton AA.

Nikyforov ka mohuar raportet se Ukraina thuhet se ka refuzuar ofertën e Rusisë për bisedime paqeje. Ai tha se zyrtarët rusë dhe ukrainas aktualisht janë duke diskutuar kohën dhe vendin e bisedimeve.

“Ne kemi pranuar ofertën e presidentit rus Vladimir Putin. Për momentin palët janë duke vazhduar konsultimet për vendin dhe kohën e procesit të negociatave”, tha Nikyforov.

Një zëdhënës i presidentit ukrainas vuri në dukje se sa më shpejt të fillojnë negociatat, aq më të mëdha janë shanset për t’u rikthyer në jetën normale.

Përgjigja erdhi pasi zëdhënësja e Ministrisë së Jashtme ruse Maria Zakharova tha se autoritetet ukrainase kishin refuzuar propozimin e Rusisë për negociata.

Më herët sot, presidenti ukrainas Volodymyr Zelensky i bëri thirrje homologut të tij rus Vladimir Putin për bisedime dhe më pas zëdhënësi i Kremlinit Dmitry Peskov tha se Moska ishte e gatshme të dërgonte një delegacion negociues në Minsk. /tesheshi.com/