Kryeministri Rama ishte në Tunelin e Murrizit, vepra kryesore e Rrugës së Arbrit, i cili nuk ka mundur të përfundojë sipas afatit të parashikuar. Por këtë të martë u hap plotësisht.
Dhe veç duatrokitjeve, erdhi arsyetimi i kryeministrit mbi këtë vepër, vonesën e përfundimit.
“Tuneli i Murrizit – Dalja e dritës, nga bashkimi i të dy anëve të kantierit më sfidues të punëve të mëdha publike, është çasti i shumëpritur i një përpjekjeje të zgjatur nga gjeologjia tejet e pafavorshme, e cila ka sjellë shtyrjen e përfundimit të plotë të Rrugës së Arbërit.
Ky tunel ka nisur në 2019 dhe do të përfundojë në 2024, ndërsa tuneli i Llogarasë, i cili përfundon në qershor 2024 ka nisur shumë më vonë se sa ky, por duke pasur një gjeologji shumë më të favorshme në Llogara, e njëjta kompani ecën me rreth 20m në ditë, ndërkohë që në Murriz përparon me afro 2m në ditë.
Gjithsesi, më e keqja ka kaluar dhe tanimë drita e sotme është një arsye e fortë për të besuar që 2024 do ta vulosë edhe fundin e kësaj vepre kaq sfiduese”, shkruan i pari i qeverisjes.
Kujtojmë se Rruga e Arbrit, e cila përshkron një terren tejet malor, ka diktuar hapjen e disa tuneleve, më të shumtat e një rruge në Shqipëri, si dhe të disa urave në lartësi të konsiderueshme, ku mbetet e pashpjegueshmja përmbytja e njërës nga shirat, ndodhur kjo pak kohë më parë. /tesheshi.com/
