52 mijë e 569 qytetarë nga Drenasi snga ora 07:00 e mëngjesit deri në ora 19:00 të mbrëmjes kanë të drejtë të votojnë për zgjedhjet e jashtëzakonshme për kryetar komune.
Zgjedhjet e parakohshme në Drenas mbahen pasi Nexhat Demaku që udhëhiqte me këtë komunë për dy mandate, e la detyrën, kur drejtësia e gjeti fajtor në rastin “Drenica 2”.
Si kurrë më parë gara në këtë komunë (ku nga paslufta ka qeverisë PDK), zgjedhjet i karakterizon një garë tejet e nxehtë për shkak se shumë drenicakë në disa fshatra haptaz kanë dalë kundër partisë që e votuan për 17 vjet.
Një pritje e ftohtë kandidatit të PDK-së, Ramiz Lladrovcit dhe kreut të saj Kadri Veseli i është bërë në fshatin Baincë janë quajtur edhe hajna, gjë që tregon se Drenasi nuk është më një bastion i pathyeshëm i kësaj partie.
Vlen të theksohet se në këtë komunë është ringjallur LDK-ja ku ka befasuar me eletoratin e saj në rritje, kur dihet mire se që nga paslufta kjo parti ka pasur një degë të saj në Drenas vetëm sa për të thënë.
Përkundër këtyre ndryshimeve që kanë ndodhur ndër vite në Drenas, sot gjashtë pretendentë garojnë për të marrë postin e kryetarit, dhe secili prej tyre gjatë fushatës zgjedhore është shprehur i bindur në fitore.
Kandidatë që garojnë për të parin e Drenasit janë; Ramiz Lladrovci nga PDK (ish ambassador në Shqipëri), Bedri Nika nga LDK, Isa Xhemajlaj nga NISMA, Elmi Thaçi nga AKR, Vehbi Berisha nga partia FJALAdhe Xhavit Drenori kandidat i pavarur.
Vlen të ceket se në lisën e votimit do të jenë edhe emrat e dy kandidatëve të pavarur që janë tërhequr nga gara Naim Bazaj dhe Rrahim Elshani.
Në krahasim me zgjedhjet e kaluara, po në këtë komunë do të ketë rritje të votuesve prej 2 mijë e 338.
Sipas Komisionit Qendror të Zgjedhjeve votuesit do të jenë të shpërndarë në 28 Qendra Votimit me gjithsejtë 72 Vendvotime.
Ndërsa zgjedhjet do të monitorohen nga 853 vëzhgues, të cilët përfaqësojnë ambasadat, organizatat ndërkombëtare, OJQ-të vendore, subjektet politike dhe mediat.
Ndryshe, KQZ-ja bën të ditura se janë hapur me kohë të gjitha vendvotimet, ndërsa deri më tani janë paraqitur disa parregullsi. /tesheshi.com/
