Këtë të dielë jo thjesht Drenasi mëson se cili do e udhëheqë si kryetar komune, por dhe se tan Kosova në do mundet ta kalojë sprovën e madhe që një kandidati si Ramiz Lladrovci t’i besohet pushtet. Plus kësaj, dhe nëse PDK do arrijë ta mbajë si bastion këtë komunë drenicake. Dy javë më parë, e humbi duke mos e fituar dot, një sinjal pra që deri diku e ka humbur.
Në Drenas përballen dy forca me rrënjë tek pushka: PDK dhe NISMA e Fatmir Limajt, e cila është një krijesë zemërake pas largimit të Limajt nga Thaçi së bashku me Jakup Krasniqin. E para kandidon Ramizin e famshëm – të tillë sa herë hapë gojën nxjerrë ndonjë perlë – dhe e dyta Isa Xhemajlin.
Tesheshi.com, përmes këtij shkrimi ka renditur disa ng premtimet që janë bërë nga kandidatët që synojnë të ulën në karrigen që e la zbrazët Nexhat Demaku, i cili do përballet me drejtësinë për rastin “Drenica 1”
Premtimet e Lladrovcit
PDK dhe kandidati i saj kanë premtuar investime milionëshe në shumëfusha që ndikojnë drejtëpërsëdrejti në jetën e qytetarëve.
“Unë i premtoj Drenasit që përveç investimet kapitale që i ka të parapara për kokë banori që janë 3.5 milionë do t’i sjell nga buxheti qendror edhe 9 milionë euro. Këto investime kanë me shku në infrastrukturë rrugë, asfaltime, kanalizime e ujëra të zeza, rregullimin e parkut, për shkolla për shëndetësi. Unë këto premtime që i jap edhe i realizoj. Përveç këtyre unë do të sjell edhe investime të tjera investime të kapitalit të huaj dhe vendor të cilat do të shpërbejnë për qytetarin dhe do ta zbusin papunësinë në Drenas”, ka premtuar ish ambasadori.
Ai po ashtu u ka premtuar studentëve se do t’ua sigurojë 200 bursa nga buxheti komunal, marrëveshje me investitorë për punësimin e të rinjëve, derisa ka premtuar edhe ndaljen e uzurpimeve.
Premtimet e Xhemajlajt
Premtime të mëdha dhe me shifra nuk ka dhënë Isa Xhemajlaj i NISMA-s. Ai kryesisht ka bërë premtime të përgjithshme për investime në fusha të caktaura, por ka thënë se nuk mund të premtoi investime në fshatra e lagje të caktuara pasi duhet t’i mbaj ato.
“Duhet të bëhet barazia dhe respektimi i ligjit. Thithja e investitorëve dhe sjellja e tyre sepse mund ta rrisin numrin e të punësuarve në Drenas. Përmirësimi i gjendjes në shëndetësi (funskionalizimi i amulantës për 24 orë në fshatin Komoran), në arsim do të ndërmirren masa që të përmirësohet cilësia e tij”, ka premtuar Xhemjalaj.
Ndryshe, cilido prej kandidatëve që fiton ka kohë veetëm 10 muaj t’i realizojë premtimet pasi në tetor të vitit të ardhshëm do mbahen zgjedhjet lokale sipas kalendarit zgjedhor.
Blendi Gashi – /tesheshi.com/
