Ramiz Lladrovci, kandidati i PDK-së ka arritur të fitojë zgjedhjet në Drenas, duke e lënë këtë komunë drenicake sërish bastion të partisë së tij. Edhe pse ndaj tij pati një anti-fushatë, kryesisht në rrjetet sociale, duke e trajtuar si figurë qesharake, sidmos nga thënia e tij e famshme në Rubikon se “forca bën fuqinë”, ai sërish ka arritur të marrë besimin e qytetarëve të Drenasit, për çka në dhjetë muajt e ardhshëm do të udhëheq këtë komunë. E tashmë, reagimet janë të tipit që “Ramizi nuk qenka i vetëm në lloj; si ai qenka 60 përqind e Drenasit”
Lladrovci ka marrë mbi 60 për qind të votave duke lënë pas me afër 40 % kundërkandidatin e tij Isa Xhemajlaj nga NISMA, i cili pra nuk arriti të shkaktojë befasi, ngjashëm siç bëri Shpend Ahmeti tre vjet më parë në Prishtinë, duke e largua Isa Mustafën – dhe bashkë më të LDK-në – nga komuna e Prishtinës.
Pas triumfit, Lladrovci foli para mediave me çrast falënderoi të gjithë qytetarët për besimin.
“Do të jem kryetar pa dallim edhe atyre që më kanë votuar edhe atyre që nuk më kanë votuar”, tha ai, derisa qielli shndrritej nga fishekzjarret që hedhnin simpatizantët .
I pyetur nga gazetarët për të dhënë një shpjegim për thënien e bërë “forca bën fuqinë”, Lladrovci u përgjigj se kjo aludunte në fitoren.
Fitoren Lladrovcit e ka pranuar edhe NISMA.
Ish-ambasadori Lladrovci tani ka dhjetë muaj para vetes që të mbush premtimet e dhëna për zhvillimin e Drenasit, në të gjitha fushat, sjelljen e investitorëve të huaj dhe punësimin e të rinjëve.
Duhet thënë se deputet dhe simaptizant të PDK-së në zyrën e partisë në këtë qytet kanë shpërthyer në festë pas fitores së kandidatit të tyre, derisa janë ndezur shumë fishekzjarre thuajse fituan Prishtinën e jo një komunë që për 17 vite kanë udhëhequr.
Ndryshe në balotazhin e kësaj të diele janë paraqitur disa parregullsi, ndërsa në votime kanë dalë mbi 45 për qind.
Blendi Gashi – /tesheshi.com/
