Xhavit Drenori, ish-kandidat i pavarur për komunën e Drenasit, i cili garoi muaj më parë me Ramiz Lladrovcin, fituesin e kreut të komunës, ka denoncuar në rrjete sociale një akt të rëndë përçudnues, që përfshin të gjallë e të vdekur.
Një zgjerim rruge në komunë nuk ka kursyer varret ndanë saj, duke i shpërfillur e më pas dhunuar ato në disa forma. Fotot flasim më së miri, shoqëruar dhe nga komenti i Drenorit.
“Operatorët privat ekonomik që marrin punë nga komuna e Drenasit sillen si “mbretër” gjatë realizimit të projekteve në teren.
Sado që punimet gjatë realizimit mbikqyren nga komisione me zyrtarë komunal (që paguhen nga taksat tona), prap se prap opeartorë të caktuar punët i bëjnë shkel e shko, madje në rastin tonë konkret tek varrezat e fshatrave Zabel i Ulët dhe Korroticë e Ulët (rruga Korrotice e Ulët-Shtrubullovë) duke prekur thellë në ndjenjat e familjarëve, të dashurit e të cilëve pushojnë në këto varreza.
E ulët dhe poshtruese ishte gjendja që pamë me bashkpunëtorin tim Gentrit Gërguri të këto varreza. Shtylla me tel me gjemba të hedhura mbi varreza.
A thua si do të ndiheshin zyrtarët komunal në komisionin mbikqyrës të këtij projekti, sikur një veprim i tillë do të ndodhte në varrezat e familjarëve të tyre.
Thjeshtë TURP!”, shkruan Drenori. /tesheshi.com/
