E luajtur të dielën, dhe e vlefshme për eliminatoret e Kupës së Botës, ndeshja mes Greqisë dhe Bosnjë-Hercegovinës u parapri nga nga tensioni dhe nga sulmet mbi tifozët boshnjakë.
Atmosfera e tensionuar u reflektua dhe në fushë, teksa të dyja skuadrat e përfunduan ndeshjen me nga dhjetë lojtarë.
Por ra në sy gjithashtu dhe një banderolë e tifozëve grekë mbi Srebrenicën. “Thikë, tel, Srebrenica” shkruhej serbisht në banderolën që nëpërkëmbte fatin tragjik të 8.000 muslimanëve boshnjakë, të vrarë në masakrën e vitit 1995 nga njësitë militare serbo-boshnjake.
Federata Greke e Futbollit ka reaguar nëpërmjet një deklarate në faqen e saj zyrtare, ku e dënon aktin e tifozëve grekë.
“Federata Greke e Futbollit ndien thellësisht keqardhje për banderolat e papranueshme me përmbajtje fashiste gjatë takimit të djeshëm midis Greqisë dhe Bosnjë-Hercegovinës, që ne i dënojmë në mënyrën më absolute dhe më të qartë,” thuhej në deklaratë.
“Ndjehemi të detyruar t’i kërkojmë ndjesë, për ata pak njerëz që morën pjesë në këtë akt sektar, Federatës së Futbollit të Bosnjë-Hercegovinës dhe popullit mik të atij vendi,” lexohej po aty.
Pritet që nga FIFA të ketë masa për incidentin në fjalë. /tesheshi.com/
