Ndërsa fushata presidenciale në SHBA po shkon drejt fundit të saj e po afron dita e zgjedhjeve, rivaliteti mes dy kandidatëve, Hillary Clinton-it të demokratëve dhe Donald Trump-it të republikanëve, ka arritur kulmin.
Një sondazh i kryer së fundi nga ABC News-i dhe nga Washington Post-i e ka nxjerrë në krye Trump-in, diçka që nuk ngjiste që prej majit të këtij viti.
Por zyrtarë të fushatës së kandidates Clinton nuk kanë pranuar ta marrin në konsideratë këtë sondazh. Njëri prej tyre ka deklaruar se rezultati i sondazhit nuk është fare çka ata shohin.
Zyrtari i lartë e ka pranuar se ka një ngushtim hendeku në anketimet, por gjithçka është çfarë ata kishin parashikuar se do të ngjiste pas mbarimit të debateve.
Prej drejtuesve të fushatës së ish-sekretares amerikane të Shtetit është këmbëngulur se nuk ka asnjë provë të ndikimit negative të zbulimeve të reja të FBI-së mbi çështjen e postës elektronike. Një “anketim të keq” e ka përshkruar zyrtari i fushatës së Clinton-it atë të dy mediave. /tesheshi.com/
