Drejtori i Përgjithshëm për Fqinjësi dhe Negociata për Zgjerim të Komisionit Evropian, Christian Danielsson, i ka bërë të qartë sot kryeministrit Ramush Haradinaj se pa u zgjidhur marrëveshja e Demarkacionit me Malin e Zi, KE nuk do të rekomandojë heqjen e vizave.
Dannielson përmendi edhe luftën ndaj korrupsionit dhe krimit të organizuar, si kushte të tjera të rëndësishme për lëvizjen e lirë në Bashkimin Evropian, duke kërkuar adresimin e tyre.
“Një nga sfidat, në përpjekjet e reformimit, është adresimi i krimit të organizuar dhe korrupsionit në nivel vendi. Kjo është e rëndësishme për disa arsye, është e rëndësishme për vetë Kosovën, është e rëndësishme për klimën e biznesit .
Gjithashtu pajtohem që është edhe një nga kriteret sa i përket udhërrëfyesit për liberalizimin e vizave. Kur vijmë, këtu që e përmendet edhe çështjen e marrëveshjes së demarkacionit, kriteret janë të njohura publikisht dhe ne këshillojmë që të shikohet se si të adresohen këto kritere, kjo shkon për qeverinë e Kosovës dhe nga ana jonë zotimi është i qartë, kur këto të jenë kryer KE është e gatshme që të rekomandoj liberalizimin e vizave sapo të kryhen këto çështje” ka thënë Danielson. /tesheshi.com/
