Bota nuk ka parë kurrë një krizë kaq të madhe energjetike për sa i përket thellësisë dhe kompleksitetit të saj, tha Fatih Birol, Drejtor Ekzekutiv i Agjencisë Ndërkombëtare të Energjisë (IEA).
Të martën, Birol tha në forumin global të energjisë në Sidnei se bota është në mes të krizës së parë globale të energjisë.
“Është e ndërthurur me shumë faktorë, duke përfshirë edhe gjeopolitikën. Çmimet e naftës, gazit natyror, qymyrit, energjisë elektrike, gjithçka po rritet. Pse? Shumë e thjeshtë: Rusia, vendi që sulmoi Ukrainën, më 24 shkurt”, tha ai.
Një dimër i vështirë po vjen në Evropë
Ai theksoi se, pas pushtimit të Rusisë, në atë kohë eksportuesi më i madh i naftës dhe gazit natyror dhe një lojtar i rëndësishëm në tregun e mallrave, i gjithë sistemi energjetik u ndërpre.
“Dhe si rezultat, ne shohim se i gjithë sistemi energjetik po kalon një krizë,” shtoi Birol.
Birol vuri në dukje se ky dimër në Evropë do të jetë “shumë i vështirë”, duke shtuar se mund të ketë implikime serioze për ekonominë globale. /tesheshi.com/
