Ministrja më e re suedeze e zgjedhur në historinë e këtij vendi, Aida Haxhialiç, ka dhënë dorëheqje pasi është zënë duke ngarë automjetin në gjendje të dehur.
Sipas mediave, policia suedeze e ka ndaluar ministren Haxhialiç parmbrëmë, në urën që lidh Suedinë me Danimarkën.
Ndërsa kjo e fundit ka pranuar se ka bërë gabimin më të madh jetësor të saj.
“E di se shumë njerëz janë të zhgënjyer në mua, edhe vetë jam e zhgënjyer në veten time, dhe ndihem e penduar”, ka thënë Haxhialiç gjatë një konference për gazetarë të mbajtur në Rosenbad.
Ajo ka shpjeguar se kishte pirë vetëm dy gota verë, duke besuar se alkooli do të zhdukej nga organizmi i saj deri në kohën kur do të ulej prapa timonit.
Duke arsyetur vendimin e saj për dorëheqje, socialdemokratja u tha gazetarëve: “Zgjodha të bëj këtë ngase besoj se ajo çfarë kam bërë është serioze”.
Suedia është një nga vendet evropiane që ka kufi të ulët të alkoolit për njerëzit në timon.
Haxhialiç ka tërhequr vëmendjen e opinionit si ministrja më e re në qeverinë e Suedisë, kur në vitin 2014 iu besua Ministria e Arsimit.
Ajo ka arritur në Suedi nga Bosnja bashkë me familjen e saj kur ishte vetëm 5-vjeçare. /tesheshi.com/
