Konsensusi i shpallur mes palëve ka përfunduar në një dakordësi të pazakontë më parë.
Stafi i PD-së bën të ditur se me këmbënguljen e Bashës janë shtuar dy pika në draftin që në fund ka marrë konsensusin e palëve dhe pritet që reforma të miratohet në Kuvend.
Po cilat janë këto pika të propozuara nga opozita? Që nëse komisioni i posaçëm që përzgjedh anëtarët e Këshillit të Lartë të Gjyqësorit dhe Këshillit të Lartë të Prokurorisë, nëse nuk bie dakord në mes vetes për të dërguar në Kuvend kandidaturat, atëherë i zgjidh ato me…short.
Pra, drejtësia që është institucioni më i rëndësishëm, fut në Kushtetutë bixhozin si koncept juridik.
Siç mësohet nga palët, edhe anëtarët e KLGJ-së dhe KLP-së do të shkojnë në sitë nga Misioni Ndërkombëtar i Vettingut.
Sipas draftit, 5 nga 11 anëtarët e Këshillit të Lartë të Gjyqësorit dhe Këshillit të Lartë të Prokurorisë do të përzgjidhen nga një komision prej 5 anëtarësh në Parlament, 3 nga mazhoranca dhe dy nga opozita.
Këtu nuk ekziston mundësia që një bashkim PD plus LSI të bëjnë mazhorancë.
Kandidati duhet të marrë 4 vota. Në qoftë se krijohet ngërç, atëherë përzgjedhja bëhet me short.
Aplikimet do të jenë të hapura dhe nuk ka kufizime. Pesë anëtarët e KLGj-së dhe KLP-së përzgjidhen me konsensus. Lista paraqitet në Kuvend dhe duhet të miratohen në bllok me 2/3-t.
Nëse rrëzohet, zgjidhen me short. Nëse ONM-ja rekomandon përjashtimin e një kandidati, komisioni me 5 anëtarë vendos të rrezojë rekomandimin minimalisht 4 vota. /tesheshi.com/
