Javën e kaluar, në rrjetet sociale u publikuan foto e dy turistëve të paidentifikuar perëndimorë duke ndëshkuar në atë që në zonë quhet “parakalimi i turpit”, pasi dyshoheshin për vjedhje.
Imazhet tregonin një çift që mbanin të varur në qafë tabelën “Unë kam vjedhur. Mos bëj atë që kam bërë unë!!!”.
Kjo që ka ndodhur i përket ishullit Gili Trawangan, në ishujt Gili.
Kjo praktikë ndëshkuese ka vazhduar për shumë vite, edhe pse origjina e saktë është e paqartë.
Kreu i zyrës së turizmit të krahinës West Nusa Tenggara, Lalu Muhamad Fauzal, tha se “parakalimi i turpit” për ata që konsiderohen se kanë kryer krime në ishull, doli nga një marrëveshje në mes banorëve vendas dhe policisë.
“Meqë kurrë nuk ka patur zbatim të rregullt të ligjit nga ana e policisë, ne imponuam rregullat tona për hajdutë. Në qoftë se dikush kapet duke vjedhur, ai ose ajo duhet të ndëshkohet me “parakalimin e turpit” në publik. Më pas, personi largohet nga ishulli dhe nuk lejohet të kthehet për disa vjet.”
“Kjo praktikë shërben për t’i bërë njerëzit të vetëdijshëm se ata nuk mund të vizitojnë një vend të huaj dhe të marrin atë që duan pa u ndëshkuar,” shtoi ai, duke thënë më tej se kjo praktikë shihet në ishull si e drejtë dhe padyshim efektive.
Fauzal i jep merita pikërisht këtij rituali ndëshkues për shkallën e ulët të krimit dhe reputacionin e një vendi më të qetë sesa Bali që gjendet pranë ishulllit.
Ai shtoi se shumica e personave që parakalojnë janë vendas, edhe pse ka edhe raste të turistëve të huaj të cilët ose janë të dehur ose janë të detyruar për të vjedhur çanta, për shkak se kanë mbetur pa para. /tesheshi.com/
