Disa studentë të fakultetit të mjekësisë kanë ndërhyrë në aktivitetin e kryetarit të PDK-së, Kadri Veseli i cili po fliste në oborrin e Qendrës Klinike Universitare para mantelbardhëve për gjendjen në shëndetësi.
Ata kanë kërkuar drejtësi për Astrit Deharin i cili u gjet i vdekur në burgun e Prizrenit.
Studentët kanë thirrur “Drejtësi për Astritin” dhe “Hajnat në burg”.
Me këtë rast, ka reaguar edhe vet Veseli. Ai ka thënë se Astriti ka qenë një i ri që duhet ta respektojnë të gjithë e jo të manipulohet në emër të tij.
“Astrit Dehari ka qenë një i ri që duhet ta respektojmë. Gjithmonë Astrit Dehari, mirëpo mos i manipuloni të rinjtë”, ka deklaruar Veseli.
Kujtojmë se Astriti ndërroi jetë më 5 nëntor të vitit të kaluar derisa po mbahej në burgun e Prizrenit si i dyshuar për sulmin me granatë ndaj Kuvendit të Kosovës./tesheshi.com/
