Udhëheqësi i Lëvizjes për Ringjalljen Serbe (SPO), Vuk Drashkoviç, ka thënë se sovraniteti i Serbisë mbi Kosovën ekziston vetëm në preambulën e Kushtetutës së saj dhe duke qenë skllevër të kësaj normative shteti vetëm se po pëson humbje të mëdha, për këtë arsye duhet të pranojmë dhe të njohim realitetin e Kosovës.
“Ta pranojmë dhe ta njohim realitetin e Kosovës. Edhe pse me vonesë, le ta pranojnë dokumentin e të dërguarit të posaçëm të OKB-së Marti Ahtisaari, si bazë për vazhdimin e dialogut të Brukselit me shqiptarët. T´a nënshkruajmë normalizimin e gjithanshëm të marrëdhënieve tona me ta. Armiqësia shuhet me miqësi”, ka thënë Drashkoviç në një artikull për Blic.
Ai deklaroi se me kapitullimin e Serbisë, të nënshkruar në Kumanovë dhe Rezolutën 1244 të KS të OKB-së, ajo është dëbuar nga Kosova, bashkë me forcat e saj të armatosura, gjithë pushtetin e saj dhe çdo simbol të sovranitetit kombëtar.
Sipas liderit të SPO, preambula e Serbisë ka vendosur cili do të jetë statusi final i Kosovës, dhe atë, gjatë kohës së mbajtjes së negociatave të udhëhequra nga Marti Ahtisari.
“Ahtisari me planin e tij, është përpjekur që e drejta e shumicës së shqiptarëve në pavarësinë e Kosovës, e cila u është dhënë me Rezolutën 1244, i kufizon dhe i kushtëzon me shumë gjëra, veçanërisht me koncesione të rëndësishme për serbët e Kosovës, Kishën Ortodokse Serbe dhe shtetin e Serbisë . Por, Serbia e refuzoi këtë plan”, ka thënë Drashkoviç./tesheshi.com/
