Shqipëria ka regjistruar një ndër krimet më të paprecedenta këtë të enjte, me një të moshuar në azil pleqsh, edhe me status intelektuali, madje me titull “Qyetar Nderi”, i cili ka vrarë shokun e dhomës, duke e goditur me bastun, nën pretendimin se i kish zënë krevatin. Duket se gjithçka ka ndodhur nën peshën e sklerozës, nga e cila vuanin që të dy, pra harresës.
Autori është Zyhdi Shehu, 78 vjeç, ndërsa viktima është Virxhil Vesho, 82 vjeç.
“Pse më ke zenë krevatin”, mësohet t’i ketë thenë Shehu 82-vjeçarit, përpara se ta qëllonte për vdekje me një bastun.
Autori e ka qëlluar disa herë në pjesë të ndryshme të trupit dhe në kokë, duke e lënë 82-vjeçarin të vdekur në vend.
Por kush është autori i këtij krimi, përballë të cilit drejtësia është pa precedent?
Zyhdi Shehi, i lindur më 1946, është një historian dhe shkrimtar i njohur për botime dhe publicistikë historike e letrare. Madje ai vitin e kaluar është shpallur edhe “Qytetar Nderi” i Kavajës, ku iu dorëzua titulli nga autoritetet lokale bashkiake dhe në ceremoninë e zhvilluar dallohej gjendja jo e mirë shëndetësore, teksa dridhej gjatë fjalës së mbajtur, raporton Shqiptrarja.com.
Sipas biografisë së botuar edhe në Facebook, Zyhdi Shehi është diplomuar në Institutin Pedagogjik të Shkodrës për Gjuhë-Letërsi e më pas ka mbaruar me korespondencë edhe Fakultetin Filologjik të Tiranës, po për Gjuhë-Letërsi. Pas një periudhe pune si mësues, në vitin 1982, nis punën në Muzeun Historik të Kavajës. Në vitin 1996, pas botimeve të artikujve të shumtë në fushën e historisë dhe etnografisë së zonës, del me librin e parë, monografinë kushtuar patriotit kavajas, Ahmet Bejtaga. Më pas, në vitin 2000, monografinë Andrea Ekonomi, “Mësues i Popullit”, “Kavaja, figura të shquara historike” 2005, “Indrit Cara”, 2007, “Inxhinjeri Jani (Xhuf) Koljaka, e Diplomati Stavro Stavri”, etj. Për merita në punë i është dektretuar në vitin 1990 edhe medalja “Naim Frashëri”.
E tani në pleqërinë e shtyrë, ai merr titullin “vrasës”, duke e shndërruar fundin e jetës në një skenar thrilleri.
Ngjarja e rëndë ndodhi në një azil privat në Tiranë. /tesheshi.com/
