ëAtletiko ka poshtëruar Realin në derbin madrilen të luajtur në Nju-Xhersi në kuadër të Kupës Ndërkombëtare të Kombeve.
Takimi i zhvilluar në orët e para të së shtunës ka patur nisje dhe përfundim katastrofik për Realin, të mundur 7-3 nga një Atletiko e papërmbajtshme.
Diego Kosta ka shënuar pa u mbyllur minuta e parë; pak pas nisjes së pjesës së dytë rezultati ishte 6-0 për Atletikon!
Katër ishin golat e shënuar nga Diego Kosta, që veç kësaj mori dhe një karton të kuq. Zhoao Feliks, Korrea dhe Vitolo i shënuan tre golat e tjerë për skuadrën e Diego Simeones. Naço, Benzema dhe Havi Hernandez realizuan për Realin.
Një humbje 3-1 me Bajernin e Mynihut dhe një barazim 2-2 me Arsenalin, ndaj të cilit u fitua me 11-metërsha, janë bilanci i Realit të Madridit në këtë aktivitet përgjatë korrikut.
Te Atletiko e Madridit duket se blerjet e reja kanë qenë të goditura, skuadra ka bërë paraqitje të mira në takimet e luajtura. E kundërta mund të thuhet për Realin, që mbetet te loja e dobët e sezonit të shkuar.
Pavarësisht humbjes, Zinedin Zidan beson se Reali do të ketë një sezon të mirë.
“Jam i bindur se do të kemi një sezon të mirë. Nuk mund të jemi të kënaqur me humbjen e sotme, kjo është shumë e qartë. Por jam i bindur se kam një ekip që do të rivalizojë në nivelin më të lartë,” është çka ajo thotë pas humbjes së rëndë.
Bejl luajti në 30 minutat e fundit të lojës në humbjen e Realit, por ky mund të ketë qenë aktivizimi i fundit për uellsianin.
Ai pritet të zhvendoset në Kinë, me një kontratë shumëmilionëshe. Mediat spanjolle pretendojnë se transferimi do të ndodhë shpejt. Xhiangsu Saning, klubi kinez, dhe agjenti i lojtarit e kanë gjetur tashmë gjuhën e përbashkët, ama akoma nuk ka një marrëveshje me Realin.
Ndryshe Bejlit, raportimet e fundit thonë se Hames Rodrigez do të qëndrojëte Reali. Në këtë kthesë të ngjarjeve për kolumbianin, për të cilin largimi ishte thuajse i sigurt, rol mund të ketë luajtur dëmtimi i rëndë i Marko Asensios. /tesheshi.com/
https://youtu.be/2sZJmvu8X9Q
