“Traumë” është fjalë e pakët që të përshkruhet ndjesia që familja Fera nga Gjilani e pati gjatë ditës së djeshme.
Gruas lehonë, që sapo kishte kryer lindjen në Spitalin Rajonal të Gjilanit, iu tha se foshnja kishte vdekur, dhe po e njëjta informatë iu përcoll babait të foshnjës që priste në korridor.
Ky i fundit reagoi ashpër ndaj mjekut i cili sipas policisë dhe dëshmitarëve, e kishte transmetuar lajmin me mungesë kujdesi dhe pa ndjeshmëri.
Autoritetet spitalore dhe policia konfirmojnë se mjeku gjinekolog është cenuar edhe fizikisht nga babai i foshnjes. Por historia nuk mbaron këtu.
Foshnja, në të vërtetë nuk kishte vdekur.
Neonatologët e spitalit kishin marrë masa për reanimim në kohën kur bebeja ishte në fazë kritike, gjë që ia shpëtoi jetën.
Foshnja tani është jashtë rrezikut dhe ndodhet për trajtim të specializuar. Por goditja emocionale e familjes Fera ende nuk nuk ka rënë në vend.
Policia ka arrestuar babain që ka kanosur fizikisht gjinekologun e cili edhe sipas policisë, ka qenë tejet i pakujdesshëm në komunikim me familjen e foshnjes. /tesheshi.com/
