Një shqiptar nga Maqedonia shkaktoi një tragjedi në ditën e fundit të vitit në Shqipëri, pasi u morri jetën dy motrave në Tiranë, me njërën prej të cilave kishte lidhje.
Përparim Ademi, 59 vjeç, qëlloi për vdekje Zhaneta Metanin dhe Kristina Bardhin. Ishte kjo e dyta ajo me të cilën Ademi kishte raporte dhe, sipas informacioneve fillestare, vrasje e ka bërë nga xhelozia. Ngjarja e rëndë ndodhi paraditen e së enjtes te zona e “Astirit”.
Sipas kreut të Policisë së së Tiranës Rebani Jaupaj, tha se krimi mund të ketë ndodhur në sy të fëmijëve.
“Po marrim të gjitha provat si dhe do të pyeten edhe dëshmitarët. Në vendngjarje kanë qenë edhe dy persona, që dyshohen të mitur 15 dhe 16 vjeç”, tha Jaupaj.
Por autori nuk ka mundur dot që t’i rezistojë kërkimit policor. Ai u kap dhe të parat fjalë mësohet se kanë qenë ato mbi arsyet e krimit: xhelozia. /tesheshi.com/
