Serena Williams ka suprizuar sërish, por jo për mirë. Kur dukej se do triumfonte dhe në finale, ajo u mund në US Open nga 19-vjeçarja rumune Bianca Andreescu, e cila e mposhti legjendaren amerikane 2-0 me sete (6-3, 7-5).
Rezultoi vërtet një përrallë e bukur ajo e Bianca Andreescut, e cila ishte numri 15 i turneut, por që në fund ia doli mbanë të siguronte trofeun e parë slam në karrierë.
Starti u furishëm i Andreescut e kapi të papërgatitur amerikanen Williams, e cila e humbi setin e parë pas një faulli të dyfishtë – raporton Supersport.
Edhe seti i dytë nuk nisi më mirë për Serenën, që e pa veten në disavantazh 5-1 dhe iu desh t’i anullonte një “match point” kundërshtares. Në momentin më të vështirë 37-vjeçarja tregoi karakterin e saj të fortë, duke rikuperuar plot 4 lojë, por me gjithë mbështetjen e publikut nuk ia doli të bënte përmbysjen e madhe. Në fund, 19-vjeçarja Anreescu nuk i përmbajti lotët dhe meritoi edhe komplimentet e Williams.
Për Andreescun ky ishte suksesi i dytë ndaj Serenës gjatë këtij vitit. Katër muaj më parë, amerikania u detyrua të tërhiqej përballë saj për shkak të një problemi në shpinë në turneun e Torontos. /tesheshi.com/
